Акцыя салідарнасці з Сяргеем Ціханоўскім

29 траўня 2024 года споўніцца 1461 дзень ці 4 гады з моманту затрымання Сяргея Ціханоўскага. 447 дзён інкамунікада. Больш за год да Сяргея не пускаюць адваката, ён не атрымлівае перадач, перарвалася перапіска з роднымі.

На сёння нам вядома толькі месцазнаходжанне Сяргея Ціханоўскага, таму мы звяртаемся да ўсіх беларусаў замежжа з заклікам пісаць яму лісты салідарнасці, а перад адпраўкай ліста – даслаць яго фота ў Банк Лістоў.

Падрабязней пра банк лістоў па спасылцы.

Адказваем на самыя відавочныя пытанні:

Навошта пісаць, калі лісты не даходзяць?

• Лісты даходзяць па месцазнаходжанні палітвязняў, а значыць, ёсць верагоднасць, што іх дакладна прачытаюць цэнзары. Давайце пакажам, што палітвязні не забытыя, і што рэжыму не пад сілу зламаць нашую салідарнасць!

Адрас:
Следчая турма №8, 222163, г. Жодзіна, вул. Савецкая 22А
Сяргей Леанідавіч Ціханоўскі

Навошта дасылаць у банк лістоў?

Ёсць некалькі прычын:

• Пасля выхаду на волю, Сяргей абавязкова прачытае лісты і ўбачыць нашу падтрымку.
• Гэта трэба не толькі палітвязням, але і нам. Мы ўбачым, што нас па-ранейшаму шмат.

Пісаць лісты бяспечна?

• Мы заклікаем пісаць лісты тых, для каго гэта бяспечна. Гэта значыць – беларусаў замежжа і ўсіх людзей добрай волі, дзе б яны ні жылі.

Напісаць ліст – не займае шмат часу, для гэтага не трэба жыць на нейкай вызначанай тэрыторыі, гэта можа зрабіць кожны і зусім усё роўна, на якой мове будзе напісаны ваш ліст!

Сёння 1 траўня, у нас ёсць 29 дзён, значыць, трэба пісаць у сярэднім 50 лістоў у дзень.

Давайце зробім гэта! Збірайцеся з сябрамі, сустракайцеся семʼямі, арганізоўвайце дні напісання лістоў Сяргею Ціханоўскаму і выкладвайце ў сацсетках з хэштэгам #1461ліст Сяргею

І няхай сцены ўпадуць!