Дапамога семьям палітвязняў

Праект прадугледжвае дапамогу палітвязням, якія падвергліся крымінальнаму пераследу ў сувязі з іх грамадзянскай пазіцыяй. Дапамога аказваецца і іх сем'ям.

Фонд не можа ў дадзены момант фінансава падтрымліваць больш за 80 сем'яў. У сувязі з гэтым прыём заявак часова прыпынены. У выпадку змены сітуацыі, мы дадаткова праінфармуем вас пра гэта.

Хто можа прэтэндаваць на дапамогу?

У рамках праграмы аказваецца дапамога сем'ям палітычных зняволеных, якія адбываюць пакаранне звязанае з пазбаўленнем волі на тэрыторыі Рэспублікі Беларусь. У якасці апліканта можа выступаць сваяк палітычнага пры ўмове, што гэты сваяк ўзяў на сябе клопат аб непаўналетніх дзецях (дзіцяці) палітычнага зняволенага.

Якая дапамога аказваецца?
 
  • Прадуктовая дапамога сем'ям палітвязняў
  • Матэрыяльная дапамога сем'ям палітвязняў (штомесячная падтрымка сем'яў з непаўналетнімі дзецьмі)
  • Інфармацыйная падтрымка сем'яў палітвязняў

Дапамога ў рамках гэтай праграмы складаецца ў грашовай падтрымцы ў суме 300 еўра ў месяц.

Як доўга аказваецца дапамога?

Дапамога будзе аказана на працягу 12 месяцаў з моманту першага пералічэння грашовых сродкаў у агульнай суме 3600 еўра на працягу года.


Як падаць заяўку?

Для таго каб звярнуцца па дапамогу неабходна запоўніць форму, якая змяшчае наступныя дадзеныя:
  • Прозвішча, імя заяўніка:
  • Telegram:
  • Ступень сваяцтва:
  • E-mail:
  • Прозвішча, імя палітвязня:
  • Дата нараджэння:
  • Сямейнае становішча:
  • Наяўнасць непаўналетніх дзяцей:
  • Артыкул абвінавачвання:
  • Статус палітвязня:
  • Агульны стан:
  • Зварот у іншыя фонды:

Ці бяспечна пакідаць інфармацыю?

Мы вельмі сур'ёзна ставімся да бяспекі вашых асабістых дадзеных і разумеем ўсе рызыкі якія звязаны з іх уцечкай, таму ўся інфармацыя захоўваецца на спецыяльных абароненых серверах і выдаляецца пасля прыняцця рашэння.

Як хутка прымаецца рашэнне?

На працягу 7 дзён пасля накіравання звароту з Вамі звяжацца валанцёр, і ў выпадку калі ваша заяўка адпавядае ўсім фармальным крытэрам, на працягу 1 каляндарнага месяца будзе прынята рашэнне аб прадастаўленні дапамогі.

Якая дапамога НЕ аказваецца ў рамках праекта?

У рамках праекта мы не аказваем дапамогі звязанай з кампенсацыяй выдаткаў на штрафы, куплю лекаў, ўзнагароджанне адвакатам, фарміраванне прадуктовых перадач зняволеным. Тым не менш мы не абмяжоўваем атрымальнікаў дапамогі ў рамках нашага праекта ў магчымасці распараджацца грашовымі сродкамі па сваім меркаванні, калі гэта не звязана з парушэннем заканадаўства.


Фонд «Краіна для Жыцця» праводзіць акцыі ў падтрымку сем'яў палітвязняў і дзяцей (падарункі да дня абароны дзяцей, збор дзіцяці палітвязня ў школу, кветкі да дня маці). Сёння працуем над акцыяй «Ліст да Дзеда Мароза». Мэта ўсіх гэтых дзеянняў - падтрымка сем'яў нашых герояў і праява салідарнасці беларусамі усяго свету і людзьмі добрай волі.

Падтрымаць сем'і палітвязняў вы можаце тут. Толькі разам, падтрымліваючы адзін аднаго ў гэты складаны час, мы з усім справімся.

Поддержать Фонд
Як вы хочаце дапамагчы:
50 75 100 250 500
Аплата праз PayPal на рахунак фонду