Пра фонд "Краіна для Жыцця"

Фонд "Краіна для Жыцця" створаны для дапамогі беларускім палітвязням і іх семʼям. Наша каманда ажыццяўляе арганізацыю і правядзенне навучальных праграм для актывістаў і валанцёраў унутры Беларусі.

Падтрымаць

Пра фонд "Краіна для Жыцця"

Хто мы

Каманда фонду "Краіна для Жыцця" – гэта праваабаронцы, юрысты, менеджары, псіхолагі, маркетолагі, капірайтары, актывісты, публічныя і непублічныя супрацоўнікі. Наша мэта – аказанне дапамогі палітвязням і членам іх сем'яў, вызваленне ўсіх, каго несправядліва асудзіў дыктатарскі рэжым. Пагрозамі нас выціснулі з роднай краіны, але мы не здаліся і не замоўклі. Мы беларусы і мы хочам адстойваць свае правы і падтрымліваць тых, каму зараз асабліва цяжка – палітвязняў і іх сем'і.


Вынікі нашай дзейнасці
 

  1. ​290 367 еўра атрымалі семʼі палітвязняў
  2. 111 391 еўра выплачана актывістам
  3. 6 054 кг прадуктаў перададзена палітвязням
  4. 368 дзяцей палітвязняў сабраны да школы
  5. 511 дзяцей палітвязняў атрымалі падарункі да Новага года
  6. 150 беларусам аказана юрыдычная дапамога
  7. 470 беларусам аказана візавая падтрымка
  8. 954 гадзіны бясплатнай тэрапіі ў псіхолага атрымалі тыя, хто мае патрэбу
  9. Шэлтары ў Варшаве і Вільні прымалі людзей у самыя крытычныя моманты

 
Чым мы занятыя зараз і што нам яшчэ трэба зрабіць

Для падтрымкі актывістаў і валанцёраў унутры краіны, мы рэалізуем серыю праектаў. Каманда Фонду робіць гэта зыходзячы з існых абставін, магчымасцяў і ўмоў. Нашыя сацсеткі, лагатып і амаль усё, што ўтрымлівае ў назве словы «Краіна для Жыцця» прызнаныя экстрэмісцкімі. Але мы па-ранейшаму гучна заяўляем пра злачынствы рэжыму і працягваем падтрымліваць беларусаў.


Мы рэалізуем наступныя праекты:

  1. Праект юрыдычнай дапамогі "Юрыст на сувязі"
  2. Праект псіхалагічнай дапамогі "Псіхолаг побач"


За сваю актыўную грамадзянскую пазіцыю беларусы моцна пацярпелі і да гэтага часу падвяргаюцца пераследам, ціску з боку нелегітымных уладаў. Больш за 1,5 тысячы беларусаў сядзяць у турмах па палітычным прычынам і новыя людзі ўсе яшчэ аказваюцца за кратамі з-за сваіх поглядаў. Іх семʼі застаюцца без сродкаў да існавання. І нават пасля вызвалення людзі не пазбаўляюцца ад пераследу. Гэта нашы героі, якім даводзіцца нялёгка, бо яны ніколі не здаюцца.

Менавіта таму для падтрымкі палітвязняў і іх семʼяў мы рэалізуем праграмы дапамогі:

  1. Праграма салідарнасці "Сябар сямʼі"
  2. "Кампенсацыя медыцынскіх выдаткаў"
  3. "Дапамога семʼям палітвязняў"


Акрамя таго, каманда Фонду рэалізуе акцыі з нагоды канкрэтных дат, напрыклад, да Дня абароны дзяцей, 1 верасня, да Новага года. Ёсць і непублічныя праекты, напрыклад, дапамога беларусам унутры краіны па пытаннях уласнай бяспекі.

У сваёй працы мы арыентуемся на адкрытасць, празрыстасць і строгую форму справаздачнасці. Важны кожны чалавек, і да кожнага павінна дайсці наша дапамога.
 

Падтрымайце БЕЛАРУСАЎ У БАРАЦЬБЕ ЗА права чалавека