Адна з нас. Антаніна Канавалава

Мы працягваем распавядаць пра нашых смелых калег, якія вырашылі пайсці да канца – за нашу агульную свабоду. Цяпер гэтыя людзі з’яўляюцца вязнямі. На іх месцы мог апынуцца любы беларус.

Антаніна Канавалава, 33 гады:

Маці дваіх дзяцей, якім давялося з'ехаць, бо іх бацькі ў турме

• Працавала лагістам
• Вучылася на юрыста
• Валанцёр штаба, зборшчык подпісаў і давераная асоба Святланы Ціханоўскай
• Асуджаная злачынным рэжымам на 5,5 гадоў пазбаўлення волі

Антаніна была арыштаваная 6 верасня 2020 года ў Мінску, фактычна проста выкрадзена, таму што родныя некалькі дзён ня ведалі, дзе яна. Антаніну Канавалаву абвінавачвалі ў адміністраванні тэлеграм-канал “Армія з народам”, падрыхтоўцы да ўдзелу ў масавых беспарадках і падрыхтоўцы да іх іншых асоб. Праз месяц быў арыштаваны муж Антаніны Сяргей Ярашэвіч, якога абвінавачылі ў тых жа «злачынных» дзеяннях.

Без бацькоў засталіся дзеці 6 і 4 гадоў.

Антаніна Канавалава, як і яе муж Сяргей Ярашэвіч, былі прызнаныя вінаватымі і атрымалі роўна такія тэрміны, як і запытваў дзяржабвінаваўца. Сяргей Епіхаў шырокім жэстам выпісаў па пяць з паловай гадоў.

“Суддзя” Епіхаў, як вам спіцца па начах? Як гэта – адчуваць сябе вяршыцелем лёсаў? А можа, вы проста баіцеся і робіце тое, што ўмееце лепш за ўсё – поўзаць перад моцным?

Матыў вашых дзеянняў не такі важны. Важна іншае. Вы яшчэ абавязкова паглядзіце ў твары людзей, якіх адправілі ў турмы, іх дзяцей, якіх пазбавілі дзяцінства. Не сумнявайцеся, поўнай мерай вам будзе адмерана. І не 30 “срэбранікаў”, а паводле вашага ж Крымінальнага кодэксу. Хай халоднымі начамі гэтая перспектыва сагравае вас.

Сябры, калі ласка, напішыце прама цяпер Антаніне Канавалавай. 
Адрас для лістоў: Гомель, ВК-4, Антошкіна, 3.

Памятаеце, лісты з волі крытычна важныя для палітвязняў.