Ліст ад Дзмітрыя Казлова

Вось што піша са зняволення Дзмітрый Казлоў, блогер Youtube 1 каналу "Серый Кот", сірата.
 
"Дзень прысуду як раз такі лёгкі, бо рашэнне мы ведалі задоўга да гэтага, і нарэшце ўсё скончылася".
 
"На прысудзе мы ў апошні раз усе разам пабачыліся ў клетцы, прыйшлі журналісты, да астатніх прыйшлі сваякі, да мяне ж не прыйшоў ніхто. Сумна неяк ад гэтага, але ідзем далей! "
 
Блогерствам захапіўся у 2017 годзе, калі шмат людзей выказвалі незадаволенасць "дармаедскім" дэкрэтам. Хацеў распавядаць аб розных тэмах, але" палітыка ўцягнула".
 
Дзмітрый актыўна ўдзельнічаў у акцыях пратэстаў супраць інтэграцыі з Расіяй узімку 2020 года. За ўдзел, стрымы, і заклікі да ўдзелу стаў рэкардсмэнам па колькасці суткаў: тады яму прысудзілі 120 дзён у зняволенні.
 
25 траўня гэтага года суддзя Ланчава Ірына вынесла прысуд: 5 год пазбаўленьня волі у калоніі ўзмоцненага рэжыму.
 
Сябры, давайце падтрымаем "Шэрага ката" лістамі. Памятайце, што для палітзняволеных гэта крытычна важна!
 
Адрас для лістоў: Турма 4, 212011, г. Магілёў, вул. Крупскай, 99А.

Дапамагчы зняволеным фінансава можна тут.

Замовіць перадачу зняволенаму можна тут.