Як дамагчыся прызнання чалавека палітвязнем. Падрабязная інструкцыя

Ваш сваяк, сябра ці проста незнаёмы чалавек трапіў у жорны беларускай рэпрэсіўнай машыны. Як дамагчыся прызнання яго палітычным зняволеным? Прадстаўляем вашай увазе падрабязны гайд.


Для таго, каб прызнаць чалавека палітвязнем трэба звярнуцца ў праваабарончы цэнтр «Вясна», ініцыяваць працэс прызнання і падаць наступную інфармацыю: 
 

• Прозвішча, імя, імя па бацьку і дата нараджэння зняволенага
• У чым абвінавачваецца і якія прайшоў працэсуальныя дзеянні (агульнае апісанне сітуацыі з пераследам), ці прысутнічаў пры гэтым адвакат
• Дзейнасць самога чалавека да затрымання апісваць не трэба
• Ці належыць чалавек да ўразлівых груп (ці маюцца непаўнагадовыя дзеці, сваякі на ўтрыманні, дрэнны стан здароўя і г.д.)
• У якой ступені блізкасці вы знаходзіцеся са зняволеным, ці ёсць доступ да дакументаў па справе для прыкладання іх да заявы

Затым вам трэба перадаць гэтую інфармацыю праваабаронцам: 

• даслаць на @ViasnaSOS
• альбо звязацца з бліжэйшым рэгіянальным аддзяленнем па тэлефонах на сайце ПЦ «Вясна» 

Увесь працэс займае каля 2 тыдняў.

У іншых нашых публікацыях мы больш падрабязна распавядзем пра тое,

• у чым розніца паміж палітвязнем і вязнямі сумлення
• навошта прызнаваць чалавека палітвязнем
• што дае статус палітвязня
• плюсы і мінусы розных статусаў

Сачыце за абнаўленнямі.

Падтрымаць працу фонду «Краіна для Жыцця» можна па гэтай спасылцы.