Як правесці санкцыянаваны мітынг у Беларусі

Як правесці санкцыянаваны мітынг у Беларусі? Спойлер: ніяк. Але вы ўсё роўна пачытайце гэты тэкст, асабліва, калі вам падабаецца Кафка і вы жывяце ў Беларусі.

Хто можа быць арганізатарам мерапрыемства? 

Калі мяркуецца удзел не больш за 1000 чалавек, то любы грамадзянін Рэспублікі Беларусь, калі колькасць будзе перавышаць 1000 чалавек – толькі палітычныя партыі, прафсаюзы і іншыя арганізацыі Рэспублікі Беларусь, або дзяржаўныя органы.

Дзе можна праводзіць масавыя мерапрыемствы?

Толькі ў адмыслова адведзеных для гэтага месцах, якія ўказаныя на сайце выканкама:
Куды ісці, каб узгадніць мітынг?

Спачатку заключаем дамову са станцыяй хуткай дапамогі. Далей з “Зеленбудам” таго раёну, у якім плануеце праводзіць мерапрыемства, і з органамі ўнутраных спраў.
Пасля заключэння дамоў з пералічанымі структурамі заява падаецца арганізатарам (арганізатарамі) мерапрыемства у мясцовы выканаўчы і распараджальны орган, на тэрыторыі якога плануецца правядзенне масавага мерапрыемства.

Прыклад заявы ў выканкам і абавязальніцтва арганізатара.

Колькі каштуе правесці масавае мерапрыемства?

Паслугі органаў унутраных спраў па ахове грамадскага парадку вызначаныя ў наступных памерах:
  • 3 базавыя велічыні – для мерапрыемства з колькасцю ўдзельнікаў да 10 чалавек
  • 25 базавых велічыняў – для мерапрыемства з колькасцю ўдзельнікаў ад 11 да 100 чалавек
  • 150 базавых велічыняў – для мерапрыемства з колькасцю ўдзельнікаў ад 101 да 1000 чалавек
  • 250 базавых велічыняў – мерапрыемства з колькасцю ўдзельнікаў больш за 1000 чалавек.

Дамовы са станцыяй хуткай дапамогі і “Зеленбудам” заключаюцца непасрэдна ў гэтых арганізацыях – кошт іх паслуг вылічваецца індывідуальна.

Калі можна праводзіць мітынгі?

У любыя дні, як будзе ўзгоднена. Варта адрозніваць ад перадвыбарчай кампаніі, калі пікеты носяць паведамляльны характар і можна праводзіць практычна паўсюль, акрамя як у 50 метрах ад будынкаў адміністрацый.

Варта не забывацца на тое, што нядаўна людзі збіралі подпісы пад зваротам да дэпутата і былі затрыманыя за ўдзел ў быццам бы мітынгу. Памятайце пра беларускую рэчаіснасць і распаўсюдзьце карысную інфармацыю па чатах.

Дапамагчы працы фонду можна ТУТ.
Падтрымаць Фонд
Як вы хочаце дапамагчы:
50 75 100 250 500
Аплата праз PayPal на рахунак фонду
Фонд "Краіна для Жыцця"
Дапамагае палітвязням і іх сем'ям