Калі суровая зіма – не перашкода. Праект «Самакіраванне» працягвае тур па краіне

Зіма – зімой, халады – халадамі, а каманда фонду «Краіна для Жыцця» працягвае інфармацыйны тур па Беларусі з праектам «Самакіраванне». Мы выпускаем адукацыйныя ролікі, праводзім анлайн-трэнінгі, а таксама сустракаемся з вамі ў вашых гарадах з лекцыямі па самакіраванні. Мы разам вучымся складаць звароты, пісаць скаргі і петыцыі для таго, каб рабіць нашы двары, раёны, гарады і нашу Беларусь лепшымі!
 
Чацвёрты прыпынак на нашым шляху – горад D. Вы ж у курсе, чаму мы не можам называць гарады і ўдзельнікаў?
Спойлер: таму што мы вас любім і такім чынам клапоцімся пра вашу бяспеку.
 

На першым мерапрыемстве абмяркуем тэмы:

• гісторыя і сутнасць мясцовага самакіравання, яго натуральнасць у побыту беларусаў (разбор прэзентацыі Фонду імя Льва Сапегі)
• цяперашняя юрыдычная база па рэгіянальным кіраванні і самакіраванні
• бягучы стан органаў тэрытарыяльнага грамадскага самакіравання ў канкрэтным горадзе
• стварэнне пратэснага самакіравання на базе інстытута КОТГСаў (калегіяльных органаў тэрытарыяльнага грамадскага самакіравання) у канкрэтным горадзе, абарона вулічных акцый праз пасярэдніцтва КОТГСаў
• дзейнасць у рамках мясцовага самакіравання па аднаўленні права на беларускай зямлі

Сябры, дзякуй, што вы далучыліся да нас і так актыўна ўдзельнічалі ў дыскусіі. Выказваем асобную ўдзячнасць за той вынік, да якога мы прыйшлі цягам абмеркаванняў!

А вырашылі мы, што зусім неўзабаве будзем свабоднымі і самі будзем вырашаць, што нам неабходна на нашай тэрыторыі: у горадзе, раёне або двары.
 
Мы ведаем, што некаторыя гарады ўжо выказалі жаданне, каб мы прыехалі да іх. Сябры, калі вы зацікаўленыя ў тым, каб кіраваць сваім горадам самастойна, то мы едзем да вас! Да хуткай сустрэчы, беларусы! 

Верым! Можам! Пераможам!

Дапамагчы працы фонду можна ТУТ.