Адпачынак для дзяцей палітвязняў у Румыніі

Служба “Хуткай гуманітарнай дапамогі” разам з "Асацыяцыяй Беларусаў у Амерыцы" і пры падтрымцы Офіса Святланы Ціханоўскай ладзіць у Румыніі адпачынак для дзяцей палітвязняў. 

Прапанову ініцыяваў румынскі бок па выніках сустрэчы са Святланай Ціханоўскай, дзе яна прасіла аб падтрымцы сем'яў зняволеных з дзецьмі. Адпачыць у лагеры могуць падлеткі ва ўзросце ад 10 да 14 гадоў, якія належаць да адной з наступных груп:

• дзеці палітвязняў;
• дзеці былых палітвязняў;
• дзеці палітычных актывістаў (пры ўмове, што ў іх бацькі маюць трох і больш дзяцей).

Яшчэ адной абавязковай умовай з'яўляецца неабходнасць запоўніць анкету па спасылцы.

Важныя ўмовы таксама — легальны статус на тэрыторыі Еўрапейскага Звязу (Літва альбо Польшча) і дзейныя праязныя дакументы. 

Прыярытэт маюць тыя заяўнікі, якія раней не бралі ўдзел у іншых праграмах адпачынку пад эгідай Службы “Хуткай гуманітарнай дапамогі”. 

Лагер пройдзе ў другой палове верасня. 

Гэта выдатная магчымасць акунуцца ў іншую атмасферу, адпачыць, наладзіць стасункі з дзецьмі іншых краін, абмяняцца культурным досведам, атрымаць станоўчыя эмоцыі напярэдадні новага навучальнага года. 

Спяшайцеся падаць заяўку на адпачынак. Колькасць месцаў абмежаваная. Будуць сфармаваныя 2 групы па 10 дзяцей (беларускія ўцекачы ў Польшчы і Літве). 

Агульныя кантакты для СМІ і партнёраў.