Фонд «Краіна для Жыцця» запрашае кансалтынгавыя фірмы прадставіць прапановы на аказанне комплексных кансалтынгавых паслуг

Тэндарная дакументацыя на кансалтынгавыя паслугі.
Вільня, Літва – ліпень 2024 года

Дабрачынны фонд «Краіна для Жыцця» запрашае кансалтынгавыя фірмы прадставіць прапановы на аказанне комплексных кансалтынгавых паслуг. Гэтыя паслугі накіраваныя на распрацоўку і ўкараненне надзейнай стратэгіі фандрайзінгу для эфектыўнай падтрымкі нашай місіі.

Аб’ём неабходных паслуг і крытэры адбору кансалтынгавых фірмаў падрабязна апісаныя ніжэй.

Аб’ём паслуг

1. Распрацоўка стратэгіі фандрайзінгу

Кансалтынгавая фірма прадставіць падрабязнае апісанне стратэгіі фандрайзінгу, якая адпавядае місіі Фонду. Гэтая стратэгія павінна ўключаць інавацыйныя падыходы і правераныя метады для максімалізацыі патэнцыялу фандрайзінгу.

Асноўныя элементы мусяць уключаць:

• Вызначэнне патэнцыйных сегментаў донараў.
• Распрацоўка тактык узаемадзеяння з індывідуальнымі і карпаратыўнымі донарамі.
• Стратэгіі для лічбавага і офлайн фандрайзінгу.
• Інтэграцыя фандрайзінгавых намаганняў з маркетынгам і сувязямі з грамадскасцю (PR).

2. Аптымізацыя працэсаў

Кансалтынгавая фірма апіша неабходныя працэсы, якія трэба падтрымліваць у межах Фонду для дасягнення ключавых паказнікаў эфектыўнасці, вызначаных саветам.

Гэта ўключае:

• Картаграфію працэсаў і вызначэнне прабелаў.
• Рэкамендацыі па паляпшэнні і аптымізацыі працэсаў.
• План укаранення новых працэсаў.
• Навучанне і павышэнне кваліфікацыі персаналу Фонду.

3. Статыстыка і бізнес-кейсы як пацверджанне эфектыўнасці рэкамендацый

Кансалтынгавая фірма прадставіць статыстыку і адпаведныя бізнес-кейсы, якія прадэманструюць патэнцыял паспяховасці прапанаванай стратэгіі.

Гэта павінна ўключаць:

• Аналіз падобных паспяховых фандрайзінгавых кампаній за апошнія пяць гадоў.
• Статыстычныя дадзеныя пра паводзіны і тэндэнцыі донараў.
• Кейсы іншых дабрачынных арганізацый з блізкімі місіямі.

4. Тэхналагічныя рашэнні

Кансалтынгавая фірма апіша тэхналагічныя рашэнні, якія будуць садзейнічаць дасягненню поспеху стратэгіі.

Гэта ўключае:

• Платформы/праграмнае забеспячэнне для кіравання фандрайзінгам і донарамі.
• Інструменты і шаблоны для аналізу дадзеных і справаздачнасці.
• Онлайн-платформы для лічбавых фандрайзінгавых кампаній.
• Іншыя дадатковыя тэхналагічныя інавацыі, якія могуць быць карыснымі для Фонду.

5. Фінансавыя ацэнкі

Кансалтынгавая фірма прадставіць разлікі па выдатках у параўнанні з прыбыткамі, якія падмацоўваюць поспех стратэгіі.

Гэта павінна ўключаць:

• Падрабязны бюджэт на ўкараненне стратэгіі.
• Прагноз даходаў і тэрміны.
• Аналіз выдаткаў і выгады.
• Ацэнка фінансавых рызык і планы іх змяншэння.

Крытэры адбору

1. Досвед і экспертыза

• Досвед у распрацоўцы і ўкараненні паспяховых стратэгіяў фандрайзінгу для дабрачынных арганізацый, асабліва тых, што займаюцца правамі чалавека ці падтрымкай палітычных зняволеных.
• Экспертыза ў аптымізацыі працэсаў некамерцыйных арганізацый.
• Правераны досвед выкарыстання тэхналогіяў для павышэння эфектыўнасці фандрайзінгу.

2. Кваліфікацыі

• Адпаведныя сертыфікаты ці кваліфікацыі ў галіне фандрайзінгу, кіравання некамерцыйнымі арганізацыямі або сумежных галінах.
• Моцныя аналітычныя і фінансавыя навыкі планавання.
• Выдатныя навыкі камунікацыі і навучання.

3. Рэкамендацыі і кейсы

• Рэкамендацыі ад папярэдніх кліентаў, пажадана з падобных праектаў.
• Кейсы ці прыклады мінулых поспехаў.

Патрабаванні да прапановы

• Падрабязная прапанова, якая апісвае кожную вобласць паслуг.
• Зразумелы графік і этапы для завяршэння праекту.
• Разбіўка выдаткаў, звязаных з паслугамі.
• Рэзюмэ ключавых супрацоўнікаў, якія будуць удзельнічаць у праекце.

Парадак падачы

• Зацікаўленыя кансалтынгавыя фірмы мусяць прадставіць свае прапановы да 26 жніўня 2024 году.
• Прапановы павінны быць адпраўленыя электронным лістом на адрас: vzhukov@stranafund.com і павінны ўключаць усю дакументацыю, якая пазначана ў гэтым тэндары.

Працэс ацэнкі

• Прапановы будуць ацэньвацца на аснове:
• Адпаведнасць спектру паслуг (3 пункты).
• Дэманстрацыя досведу і экспертызы (3 пункты).
• Эфектыўнасць выдаткаў прапановы (2 пункты).
• Водгукі з рэкамендацый (2 пункты).

Кантактная інфармацыя

Па ўсіх пытаннях ці для ўдакладненняў, калі ласка, звяжыцеся з:

Вячаслаў Жукоў

vzhukov@stranafund.com

+37064741319

Мы чакаем вашых прапаноў і спадзяемся на сумесную працу для падтрымкі місіі дабрачыннага фонду «Краіна для Жыцця».