Інструкцыі для беларусаў, якія хочуць пакінуць Беларусь, Расію, Украіну

Гуманітарны калідор.

Калі вы ў БЕЛАРУСІ

• Візы няма: вы можаце пакінуць краіну ў напрамках РФ, Казахстана, Грузіі, Арменіі, Турцыі, Егіпта, ААЭ.

У Грузіі і Турцыі ёсць магчымасць атрымаць візу ў ЕС для беларусаў. Для гэтага неабходна асабіста звярнуцца ў консульства/пасольства па тэлефоне або праз емейл. Для далейшай падтрымкі на месцах - звяртайцеся ў дыяспары.

• Віза ёсць: пакідайце краіну як у п. 1 альбо, калі ў вас ёсць падставы для выезду (вучоба, праца, лячэнне) - накіроўвайцеся напрамую ў краіну ЕС, віза якой у вас ёсць.

Калі вы ва ЎКРАІНЕ

Абсалютна для ўсіх зараз адкрыты гуманітарны калідор, усё роўна, з візай вы ці не - адпраўляйцеся праз наземныя межы.  Найважнейшае - дабрацца да памежнага пераходу.  Пазбягайце месцаў, дзе сканцэнтравана ваенная тэхніка, выкарыстоўвайце другарадныя трасы.

Для дарослых дастаткова любога дакумента, які сведчыць асобу. Для дзяцей дастаткова пасведчання аб нараджэнні. Таксама не забывайце аб сваіх хатніх гадаванцах, прапускаюць без ветэрынарных дакументаў!

На мяжы працуюць валанцёры, яны аказваюць дапамогу з транспартам, ежай, адзеннем, дапамагаюць размясціцца на першы час.

Калі вы ў РАСІІ

• Без візы: адпраўляйцеся ў Турцыю, Арменію, Сербію, Казахстан, ААЭ ці ў любую іншую бязвізавую краіну.

Ва ўсіх гэтых краінах вы можаце самастойна падацца ў пасольства і аформіць візу ЕС.

• Ёсць віза: проста пакідайце краіну і адпраўляйцеся ў больш бяспечнае месца. На месцы, калі вам патрэбна падтрымка - звяртайцеся ў дыяспары.

Не панікуйце, падтрымлівайце адзін аднаго і дапамагайце тым, каму гэта зараз больш патрэбна.