Напішыце ліст Сяргею Ціханоўскаму

З траўня мінулага года Сяргей Ціханоўскі знаходзіцца ў зняволенні. Прычына – Лукашэнка палічыў Ціханоўскага пагрозай свайму рэжыму. Мы ўпэўненыя, што сітуацыя са зняволеннем Сяргея, а таксама сотняў іншых палітвязняў не будзе працяглай, справядлівасць пераможа на беларускай зямлі. А пакуль давайце падтрымаем Сяргея Ціханоўскага і іншых палітвязняў, дашлём ім лісты.
 
“У пэўны момант вашы лісты вельмі падтрымалі мяне! Яны былі вельмі патрэбныя”, – дзеліцца з намі Сяргей. І вашы лісты дагэтуль застаюцца важнай крыніцай эмоцый, уражанняў і навінаў для герояў у ізаляцыі.
 
Сяргей просіць дасылаць яму больш фотаздымкаў і паштовак з маркамі! У канверт можна ўкладаць да двух фота. Не хапае навінаў, але не самых галоўных (яны ёсць па зомбі-ТВ), а больш лакальных. Можна дасылаць фота падзей.

Парады па напісанні:

• Калі дасылаць заказны ліст – дойдзе хутчэй і адкрыюць пры Сяргеі пад подпіс.
• Хто піша – абавязкова ўкладаць канверт з запоўненым зваротным адрасам. Часам складана прачытаць адрас або доўга запаўняць, калі прыходзіць адразу шмат лістоў.
• Цэнзура не прапускае заклікі і лаянку. Навіны можна стрымана. Газеты ў лістах не аддаюць.

Ліст можна даслаць:

• Традыцыйнай поштай

Адрас: Турма №8, г. Жодзіна, вул. Савецкая 22а, 222163, Ціханоўскі Сяргей Леанідавіч

• vkletochku.org хуткі і просты спосаб даслаць ліст з любой краіны свету. Вы не ў Беларусі і хочаце атрымаць адказ – пазначце зваротны адрас родных ці знаёмых.

Дасылаеце ліст або атрымалі адказ ад Сяргея? Дасылайце іх у наш чат-бот. 

Сяргей не здаецца, і ты не здавайся!
 
Дапамагчы рабоце Фонду можна ТУТ.