Сцяпан Латыпаў - арбарыст, дырэктар кампаніі "Беларба", жыхар дома каля так званай "Плошчы Перамен" у Мінску.
Быў затрыманы супрацоўнікамі АМАПа 15 верасня ў Мінску ў двары жылога масіва па вуліцы Чарвякова. У ягонай кватэры адбыўся ператрус.
19 верасня ў эфіры некалькіх дзяржаўных СМІ быў прадэманстраваны сюжэт, у якім сцвярджалася, што Сцяпан Латыпаў падазраецца ў арганізацыі незаконнага канала пастаўкі ў краіну небяспечных хімікатаў і намеры выкарыстоўваць атрутныя рэчывы супраць супрацоўнікаў міліцыі.
Зрэшты, у выніковым абвінавачанні гэтыя дадзеныя не фігуравалі.
Судовы працэс над Сцяпанам Латыпавым пачаўся 1 чэрвеня. У суд Савецкага раёна Мінска ён быў дастаўлены з сінякамі і забінтаванай рукой. Падчас працэсу Сцяпан Латыпаў заявіў аб катаваннях у СІЗА і пасадцы ў так званую «прэс-хату». Беларус здзейсніў спробу суіцыду проста падчас судовага паседжання, праткнуўшы сабе горла асадкай.
Урачы выратавалі яго жыццё і правялі аперацыю, але ўжо на наступны ж дзень Сцяпана вывезлі з бальніцы і зноў змясцілі пад варту.
Суд над ім адновіцца 10 чэрвеня а 10.30.
Сябры, давайце падтрымаем Сцяпана Латыпава лістамі. Памятайце, што для палітвязняў гэта крытычна важна! Прыходзьце на паседжанне суда ў падтрымку Сцяпана Латыпава - грамадзяніна і патрыёта Беларусі!
Адрас для лістоў: СІЗА-1, 220030, г. Мінск, вул. Валадарскага, 2
Быў затрыманы супрацоўнікамі АМАПа 15 верасня ў Мінску ў двары жылога масіва па вуліцы Чарвякова. У ягонай кватэры адбыўся ператрус.
19 верасня ў эфіры некалькіх дзяржаўных СМІ быў прадэманстраваны сюжэт, у якім сцвярджалася, што Сцяпан Латыпаў падазраецца ў арганізацыі незаконнага канала пастаўкі ў краіну небяспечных хімікатаў і намеры выкарыстоўваць атрутныя рэчывы супраць супрацоўнікаў міліцыі.
Зрэшты, у выніковым абвінавачанні гэтыя дадзеныя не фігуравалі.
Судовы працэс над Сцяпанам Латыпавым пачаўся 1 чэрвеня. У суд Савецкага раёна Мінска ён быў дастаўлены з сінякамі і забінтаванай рукой. Падчас працэсу Сцяпан Латыпаў заявіў аб катаваннях у СІЗА і пасадцы ў так званую «прэс-хату». Беларус здзейсніў спробу суіцыду проста падчас судовага паседжання, праткнуўшы сабе горла асадкай.
Урачы выратавалі яго жыццё і правялі аперацыю, але ўжо на наступны ж дзень Сцяпана вывезлі з бальніцы і зноў змясцілі пад варту.
Суд над ім адновіцца 10 чэрвеня а 10.30.
Сябры, давайце падтрымаем Сцяпана Латыпава лістамі. Памятайце, што для палітвязняў гэта крытычна важна! Прыходзьце на паседжанне суда ў падтрымку Сцяпана Латыпава - грамадзяніна і патрыёта Беларусі!
Адрас для лістоў: СІЗА-1, 220030, г. Мінск, вул. Валадарскага, 2