Беларускія Дзяды Марозы - дзецям: «Не бойцеся марыць!»

Мы працягваем нашу акцыю «Пошта Дзеда Мароза». Чароўныя эльфы ўжо даставілі першыя падарункі ад Дзядоў Марозаў маленькім беларусам, чые бацькі ў няволі. Яшчэ дзясяткі святочных пасылак чакаюць сваёй чаргі. Ну а чароўныя Дзяды Марозы, якія падарылі свята дзецям палітвязняў, звярнуліся да іх з пажаданнямі.

***
Я табе жадаю шчасця і сяброў, і дабрыні! Няхай здзейсняцца як у казцы ў Новы год твае мары! Будзь шчаслівы маленькі, добры чалавек!

***
Не бойся марыць!
Ты можаш абсалютна ўсё!
Усё абавязкова будзе добра!
З надыходзячым Новым годам!

***
Прывітанне, дзіця. Я не ведаю цябе, а ты мяне. Але я ўпэўнены, што ты - добрае дзіця, хлопчык ці дзяўчынка. Віншую цябе з Новым годам! Расці вялікі-вялікі, слухайся родных і ніколі не сумуй. Моцна абдымаю.

***
Дзядуля Мароз не можа пакуль выканаць галоўнае жаданне: вярнуць бацькоў. Але ён можа хоць крыху сагрэць дзіцячае сэрца, падарыць усмешку і палепшыць адзіноту на нейкі час сваім падарункам.

***
Дарагі сябар. Віншую цябе з Новым гадам. Жадаю, каб усе твае мары здзейсніліся. Беларусы вельмі любяць цябе і тваіх бацькоў. Вядай, што ў тваім жыцьці ўсё будзе дабра. Хутка ты адчуеш, што такое сапраўднае шчасце.

Сябры, мы заклікаем вас памятаць пра герояў Беларусі, якія сёння знаходзяцца ў турмах. Наша салідарная падтрымка, дабрыня і спагада здольныя хоць крыху, але аблегчыць іх жыццё ў зняволенні і побыт іх родных на волі. Памятайце, што дыктатар імкнецца дабіцца ад нас абыякавасці. Не дапусцім гэтага.
Падтрымаць Фонд
Як вы хочаце дапамагчы:
50 75 100 250 500
Аплата праз PayPal на рахунак фонду
Фонд "Краіна для Жыцця"
Дапамагае палітвязням і іх сем'ям