Ці бяспечна ахвяраваць сродкі ў фонд «Краіна для Жыцця»?

Сябры, мы рэгулярна абвяшчаем збор сродкаў для дапамогі палітзняволеным і членам іх сямей. Гэта зразумела - рэпрэсіі нарастаюць, апрычнікі сістэму не могуць проста ўзяць і спыніцца, яны працягваюць круціць пядалі гэтай жудаснай машыны, каб не ўпасці самім. А значыць, у турмы кідаюць усё больш і больш беларусаў. 

 
Наш Фонд імкнецца дапамагаць тым, хто трапіў у жорнавы сістэмы. А зрабіць гэта можна толькі салідарна, з вашай дапамогай.

Наколькі бяспечна дапамагаць палітзняволеным?

 
Фонд "Краіна для Жыцця" зарэгістраваны ў Літве, таму падсправаздачны выключна фіскальным органам гэтай краіны і сваім грантадаўцам. Мы штотыдзень публікуем краткія справаздачы аб нашай дзейнасці за сямідзёнку, а таксама штомесяц распавядаем пра фінансавыя выдаткі і паступленні. Такім чынам, імёны нашых ахвяравальнікаў не робяцца здабыткам грамадскасці, а тым больш падаткавых, следчых, ці якіх-небудзь іншых органаў лукашэнкі.
 
Вы можаце ахвяраваць сродкі на нашым сайце пры дапамозе любой з дзвюх плацёжных сістэм - PayPal ці Stripe. Немалаважна, што імёны плацельшчыкаў у іх зашыфраваныя, сістэма лукашэнкі не можа адсачыць, на які дакладна рахунак ідзе аплата.
 
Што тычыцца PayPal і Stripe, дык гэта міжнародныя плацежныя сістэмы з высокімі ступенямі засцярогі, якімі карыстаюцца многія як прыватныя, так і дзяржаўныя кампаніі амаль што ўва ўсіх краінах свету.
 

Дапамагаць палітзняволеным пры дапамозе фонда "Краіна для Жыцця" і праз наш сайт - бяспечна.

 
Самае простае, што можа зрабіць кожны неабыякавы да лёсу беларускага народа - ахвяраваць на дапамогу палітзняволеным. Вы можаце зрабіць як аднаразовае ахвяраванне, так і падпісацца на дапамогу на рэгулярнай аснове, уносячы абраную вамі суму штомесяц.
 
Быць салідарнымі проста.