Ціск на валанцёраў фонду «Краіна для Жыцця»

Валанцёры нашага Фонду ўжо больш за 4 месяцы знаходзяцца за кратамі.

Нагадаем, іх арыштавалі толькі з прычыны таго, што ў іх вялікае сэрца - яны збіралі прадукты і фармавалі перадачы для палітвязняў. На думку рэжыму лукашэнкі, яны злачынцы з-за таго, што працягнулі руку дапамогі тым, хто ў бядзе. З-за таго, што валанцёры – людзі, а тыя, хто саджае, мучыць, здзекуецца – не.

Нам паступае інфармацыя, што валанцёрам Фонду наладзілі інфармацыйную блакаду, лістоў няма ні ў адзін з бакоў. І тут усё, што мы можам прасіць зрабіць вас і рабіць самі – пісаць больш актыўна! Калі ласка, удзяліце 15 хвілін вашага часу і напішыце нашым валанцёрам!

Паверце, яны заслугоўваюць гэтага! У хлопцаў на волі засталіся сем'і з дзецьмі. Валанцёры ведалі, чым рызыкуюць, але ўсё ж працягвалі рабіць патрэбную і правільную справу. І вось ужо на працягу вялікага адрэзка часу сядзяць у СІЗА ні завошта. Больш таго, ім хочуць давесці, што ўсё дарма, што ўсе пра іх забыліся. Але ж мы не дазволім гэтага зрабіць, праўда?!

Адрас для карэспандэнцыі: СІЗА-1, 220030, г. Мінск, вул. Валадарскага, 2.

Антон Аляксандравіч Сташэўскі, Юлія Эдуардаўна Сырых, Таццяна Сяргееўна Астроўская.
Падтрымаць Фонд
Як вы хочаце дапамагчы:
50 75 100 250 500
Аплата праз PayPal на рахунак фонду
Фонд "Краіна для Жыцця"
Дапамагае палітвязням і іх сем'ям