Пачаўся набор на стыпендыяльныя праграмы імя Кастуся Каліноўскага

Мы ўжо распавядалі пра стыпендыяльную праграму імя Кастуся Каліноўскага – альтэрнатыву для студэнтаў, адлічаных з беларускіх універсітэтаў за выказванне грамадзянскай пазіцыі. Гэта дапамога нашым суайчыннікам, якія не могуць вучыцца ў роднай краіне праз свае палітычныя погляды.
 
З 1 красавіка аднаўляецца прыём дакументаў на праграмы імя Кастуся Каліноўскага. Калі вы грамадзянін Рэспублікі Беларусь і хочаце стаць стыпендыятам праграмы І, то да 15 траўня гэтага года вам неабходна: 
 
  • Запоўніць анкету на сайце
  • Падаць заяву аб прыёме ў праграму
  • Падаць атэстат аб сканчэнні сярэдняй школы
  • Паставіць апастыль на атэстат аб сканчэнні сярэдняй школы
  • Падаць пацверджанне навучання ва ўніверсітэце (з выпіскай адзнак, спісам вывучаных прадметаў)
  • Падаць дакумент аб адлічэнні
  • Падаць дакументы аб затрыманні або арышце (альбо іншыя дакументы, якія могуць паўплываць на рашэнне экзаменацыйнай камісіі)
Дакументы неабходна падаць адначасна ў фармаце pdf. Анкету і заяву напісаць на польскай мове. Формы даступныя тут.

Таксама ў вас ёсць магчымасць стаць стыпендыятам праграмы ІІ. Яна разлічаная на кандыдатаў, якія ўжо могуць прадэманстраваць дасягненні ў навуковай і/або арганізацыйнай, сацыяльнай ці грамадскай дзейнасці, якая звязаная з палітычнымі, сацыяльнымі, эканамічнымі пераўтварэннямі, дзейнасць якіх дасць найбольшыя магчымасці для выкарыстання ў Беларусі ад спецыялізацыі, атрыманай у Польшчы.
 
Для паступлення на гэту праграму вам трэба падаць наступныя дакументы:

 
  • Копія дыплома аб сканчэнні ўніверсітэта, эквівалентнага польскай магістэрскай адукацыі
  • Анкета кандыдата даступная на сайце
  • Кароткі суправаджальны ліст з абгрунтаваннем выбранай спецыяльнасці (на польскай мове)
  • Праект даследчай працы, запланаванай на час знаходжання (на польскай мове)
  • Біяграфічныя звесткі на польскай мове, пазначаныя паслядоўна ад апошніх да папярэдніх, разам з фатаграфіяй
  • Спіс публікацый, дасягненняў і прафесійных праектаў
  • Сертыфікаты для пацверджання ведання замежных моваў
  • Любыя іншыя дадзеныя, дакументы або інфармацыя, якія, па меркаванні кандыдата, могуць дапамагчы Адборачнай камісіі належным чынам ацаніць яго кандыдатуру

Улетку кандыдатаў у стыпендыяты чакаюць сумоўі ў анлайн-фармаце. Рашэнне аб паступленні будзе прынятае да 31 ліпеня.
Падтрымаць Фонд
Як вы хочаце дапамагчы:
50 75 100 250 500
Аплата праз PayPal на рахунак фонду
Фонд "Краіна для Жыцця"
Дапамагае палітвязням і іх сем'ям