Сябры, мы не перастаем казаць пра важнасць падтрымкі палітвязняў і нагадваем, што ў нас дзейнічае падпіска на штомесячнае аўтаматычнае спісанне любой зададзенай вамі сумы. Памятайце, кожны дабрачынны плацеж - гэта гарантыя таго, што палітвязням будзе аказана дапамога.
Чаму патрэбная ваша падтрымка?
Хто і як можа зрабіць плацёж?
Telegram-канал Фонда прызнаны экстрэмісцкім. Падтрымліваць - гэта сапраўды бяспечна?
Як аформіць штомесячную падпіску?
Дзякуй, што вы з намі.
Чаму патрэбная ваша падтрымка?
- На сённяшні дзень паводле дадзеных ініцыятывы dissidentby.com у Беларусі налічваецца 1261 палітвязень. Амаль у кожнага з іх ёсць сем'і - бацькі, жонкі ці мужыкі, дзеці. Ва ўмовах сённяшняй "квітнеючай" Беларусі страта аднаго з карміцеляў сур'ёзна ўплывае на бюджэт цэлай сям'і. І гэта не гаворачы аб тым, што затрыманаму неабходна юрыдычная, прадуктовая або рэчавая дапамога, на якую таксама патрабуюцца немалыя сродкі.
Хто і як можа зрабіць плацёж?
- Абсалютна любы чалавек ці кампанія. Для гэтага вам патрэбная толькі банкаўская карта (трэба будзе ўвесці яе рэквізіты, або скарыстацца Google Pay), рахунак у крыптавалюце, або рахунак у банку. Геаграфія таксама не мае значэння: падтрымаць можна як з Беларусі, так і з любой краіны свету.
Telegram-канал Фонда прызнаны экстрэмісцкім. Падтрымліваць - гэта сапраўды бяспечна?
- Выкарыстоўваючы карткі або рахункі беларускіх банкаў - не (нават калі аплата ідзе праз Google Pay). Мы не можам ведаць, што менавіта адбудзецца, калі аформіць дабрачынны плацёж з дапамогай банка з Беларусі. Але вы павінны разумець, што менавіта для вас такі плацёж можа быць небяспечным. Калі вы хочаце падтрымаць палітвязняў – лепш зрабіць гэта з карткі ці рахунка ў замежным банку. Калі іх у вас няма, звярніцеся да блізкіх, якія знаходзяцца за мяжой. Таксама ёсць магчымасць бяспечнага ахвяравання на крыптагаманец.
Як аформіць штомесячную падпіску?
- Пры ахвяраванні абярыце ўкладку "Штомесяц", пазначце суму і выконвайце інструкцыі. У далейшым, калі вы захочаце адрэдагаваць або адмяніць дадзеную падпіску – трэба будзе звязацца з намі.
Дзякуй, што вы з намі.
- Мы працягваем працу па дапамозе палітвязням і членам іх сем'яў і выказваем падзяку усім неабыякавым людзям. Дзякуй вам за тое, што застаяцеся з нашай камандай і працягвайце падтрымліваць кожнага, хто звяртаецца ў фонд "Краіна для Жыцця". Мы, як і ўсе беларусы, хочам, каб фонды дапамогі выканалі сваю функцыю, каб у іх не было патрэбы – усе палітвязні выйшлі на волю, а людзі, што з'ехалі з краіны, змаглі вярнуцца дадому. Але пакуль гэтага не адбылося – мы не спыняемся і працуем.
Працягнуць
.png)