Фінансавая справаздача і вынікі нашай працы за сакавік 2022 года

Больш за месяц ідзе вайна, якую развязала Расія супраць мужнага народа Украіны. Вайна, у якой памагатым агрэсара выступіў рэжым лукашэнкі. Увесь гэты час каманда фонду "Краіна для Жыцця" імкнецца знаходзіць баланс паміж дапамогай украінскім уцекачам і беларускім палітвязням, а яшчэ тым беларусам, якія ўцяклі ад вайны з Украіны.

Што мы ўжо паспелі зрабіць і што плануем у бліжэйшы час - чытайце прама зараз. Дзякуем за вашу бесперапынную падтрымку! Спампаваць поўную справаздачу за сакавік можна тут.
  • З пачатку вайны апрацавалі больш за 1500 зваротаў і правялі кансультацыі па выездзе з Украіны і Беларусі
  • Сумесна з італьянскай партнёрскай арганізацыяй Progetto Sud арганізавалі дастаўку 2 тон гуманітарнай дапамогі для Украіны
  • Правялі збор і дастаўку неабходных рэчаў і прадуктаў харчавання ў прымежны з Украінай польскі горад Пшэмысль
  • Валанцёры Фонда здзейснілі больш за 10 паездак на мяжу, дзе сустракалі і развозілі людзей
  • Супрацоўнікі і валанцёры Фонда працавалі перакладчыкамі і каардынатарамі па дапамозе бежанцам з Украіны на чыгуначным вакзале Варшавы
  • Супрацоўнікі Фонду прымалі бежанцаў з Украіны ў сваіх здымных кватэрах, каардынавалі пошук жылля, дапамаглі з размяшчэннем як мінімум 30 бежанцам
  • Кіраўнік Фонду сустрэлася з упаўнаважанай урада ФРГ па палітыцы ў галіне правоў чалавека і гуманітарнай дапамогі Луізе Амтсберг
  • Каманда Фонду прыняла ўдзел у сустрэчы народнаабранага лідэра Святланы Ціханоўскай з беларускімі ініцыятывамі ў Варшаве, якія дапамагаюць як беларусам, так і ўкраінцам
  • У офісе фонду "Краіна для Жыцця" правялі сустрэчу Святланы Ціханоўскай з ініцыятывамі, якія працуюць па тэме беларускіх палітвязняў.
  • Анансавалі і правялі маштабную працу па стварэнні ў Варшаве шэлтэра для бежанцаў з Украіны
  • Прынялі ўдзел у святкаванні Дня Волі ў Беластоку.
  • Адкрылі праграму па культурным абмене для дзяцей актывістаў, палітвязняў, удзельнікаў стачкі
  • Выплацілі 41 сям'і палітвязня фінансавую дапамогу
  • Правялі 7 выплат па праграме салідарнасці "Сябар сям'і"
  • Паспяхова функцыянуе курс "Polaris". На ім было праведзена 29 лекцый па 15 тэмах з удзелам 9 лектараў.

Вайна ва Украіне, зверствы расейскіх вайскоўцаў у Бучы, Марыупалі і іншых гарадах адсунулі далёка на перыферыю беларускі парадак дня. Аднак больш за тысячу чалавек па-ранейшаму знаходзяцца ў страшных умовах беларускіх турмаў, дзе ім выдумляюць новыя тэрміны зняволення, па-ранейшаму не змяншаецца ціск на грамадзянскую супольнасць. Мы павінны памятаць, што народ Беларусі знаходзіцца ў заложніках адразу двух дыктатараў. Са свайго боку мы працягнем рабіць усё магчымае для дапамогі беларускім палітвязням.
Падтрымаць Фонд
Як вы хочаце дапамагчы:
50 75 100 250 500
Аплата праз PayPal на рахунак фонду
Фонд "Краіна для Жыцця"
Дапамагае палітвязням і іх сем'ям